Nagavci: Janë bërë të gjitha përgatitjet për fillimin e vitit të ri shkollor

14:31 | 31 Gusht 2024
K.B

Ministrja e Arsimit, Arbërie Nagavci ka thënë se janë bërë të gjitha përgatitjet e duhura për fillimin e vitit të ri shkollor.

Nagavci tha se në këtë vit subvencionim me tekste dhe materiale shkollore në platformën e-Kosova, proceduralisht këtë vit ka qenë shumë më e lehtë sepse prindërit i kanë pasur llogaritë aktive.

“Kanë aplikuar gjithsej 203.407 prindër ose kujdestarë ligjor për subvencionimin e teksteve dhe materialeve shkollore. Ndërkaq, janë subvencionuar gjithsej 201,120 aplikues. Procesi i transferimit të mjeteve është duke vazhduar, po ashtu platforma për aplikim po qëndron e hapur”, ka shkruar ministrja.

Ajo ka falënderuar, të gjithë mësimdhënësit që punojnë pa u lodhur për zhvillimin e gjeneratave të reja, për përkushtimin në klasë, përkushtimin për nxënës, pasionin për mësimdhënie.

Ndërsa u ka uruar një vit shkollor të mbarë e me shumë suksese./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm